حارث رؤف کو جرمانہ اور صاحبزادہ فرمان کو وارننگ،محسن نقوی نے آئی سی سی کی خاموشی پر سوال اٹھادیا

لاہور(این این آئی) چیئرمین پی سی بی محسن نقوی نے آئی سی سی کی جانب سے حارث رؤف پر 30 فیصد جرمانہ اور صاحبزادہ فرحان کو وارننگ دینے سے متعلق فیصلے پر اپنے ردعمل میں آئی سی سی کی خاموشی پر سوال اٹھا دیا اور کہا ہے کہ بیلنسنگ ایکٹ کی وضاحت کے لیے آئی سی سی کو اور کتنا وقت چاہیے؟۔ میڈیا رپورٹ کے مطابق آئی سی سی میچ ریفری نے بھارتی کپتان سوریا کمار کو سیاسی بیان بازی پر میچ فیس کا تیس فیصد جرمانہ عائد کیا اور پھر پاکستانی کھلاڑی پر بھی جرمانہ لگادیا گیا مگر اس کا باضابطہ اعلان نہیں کیا۔یہاں یہ سوال پیدا ہوتا ہے کہ کیا آئی سی سی نے بھارتی بورڈ کو خوش کرنے کے لیے حارث پر جرمانہ عائد کیا؟