مقبوضہ مغربی کنارے میں امریکی صحافی اور یورپی سفارتکاروں پر تشدد کرنے کرنے کے الزام میں 10 مشتبہ افراد کو گرفتار کرلیا گیا ہے.
نقاب پوش اسرائیلی آباد کاروں کو جمعہ کو واشنگٹن پوسٹ کے فوٹو جرنلسٹ ہیڈی لیون پر حملہ کرتے ہوئے فلمایا گیا، جو کہ ایک امریکی شہری ہیں جو مغربی کنارے میں فلسطینی زیتون کی فصل کو فلما رہی تھیں۔ لیون کو ہسپتال لے جایا گیا اور ایک انگلی پر سرجری کرائی گئی۔
اسی طرح مغربی کنارے میں نقاب پوش آباد کاروں نے فرانسیسی، بیلجیئم اور پولش سفارت کاروں کے ساتھ ساتھ ایک فرانسیسی میئر پر حملہ کیا۔ بیلجیئم کی سفارتی گاڑی کو بھی نقصان پہنچا۔
امریکہ، اسرائیل کے قریبی اتحادی، نے آباد کاروں کے تشدد کے خلاف کریک ڈاؤن اور واشنگٹن پوسٹ کے فوٹو جرنلسٹ پر حملے کے مرتکب افراد کی گرفتاری پر زور دیا تھا۔ فرانس، بیلجیم اور پولینڈ، جن کے سفارت کاروں پر حملہ کیا گیا، نے بھی اسرائیل سے کارروائی کا مطالبہ کیا تھا۔
