اسلام آباد(این این آئی)پارلیمان کے مشترکہ اجلاس میں قومی کمیشن برائے انسانی حقوق ترمیمی بل 2025کی منظوری دے دی گئی۔جمعہ کوپارلیمان کے مشترکہ اجلاس میں وفاقی وزیرپارلیمانی امور ڈاکٹر طارق فضل چوہدری نے وفاقی وزیرقانون اعظم نذیرتارڑ کی جانب سے قومی کمیشن برائے انسانی حقوق ترمیمی بل 2025ایوان میں پیش کرنے کی تحریک پیش کی جس کی ایوان نے منظوری دی۔بعدازاں ایوان نے بل کی شق وارمنظوری دے دی۔ایوان نے بل پر شازیہ مری کی ترمیم کومنظورجبکہ عالیہ کامران اورمرتضیٰ ملک کی ترامیم کومسترد کردیا۔
پارلیمان کا مشترکہ اجلاس، قومی کمیشن برائے انسانی حقوق ترمیمی بل 2025 منظور
