ایس ایم آئی یو میں سیموٹا کی نو منتخب کابینہ نے حلف اٹھا لیا

کراچی(پ ر) کابینہ اساتذہ کے جائز حقوق کے تحفظ، ان کے پیشہ ورانہ وقار کو برقرار رکھنے اور ان کی فلاح و بہبود کے لیے بھرپور کردار ادا کرے گی۔ان خیالات کا اظہارسندھ مدرستہ الاسلام یونیورسٹی ٹیچرز ایسوسی ایشن (SMUTA)منتخب صدر وفا منصورنے سندھ مدرستہ الاسلام یونیورسٹی سینٹ ہال میں منعقدہ حلف برداری کی تقریب میں کرتے ہوئے کیا۔ انہوں نے کہا کہ SMUTA اساتذہ کو ان کے جائز حقوق اور مراعات دلانے کے لیے اپنی کوششیں جاری رکھے گی اور یونیورسٹی میں ایک باعزت، معاون اور سازگار پیشہ ورانہ ماحول کے فروغ کے لیے کام کرے گی۔ انہوں نے اس بات پر زور دیا کہ نئی کابینہ باہمی مشاورت، اجتماعی کوششوں اور جمہوری اصولوں کے تحت اساتذہ کے پیشہ ورانہ مسائل حل کرنے کے لیے اقدامات کرے گی۔ان کا کہنا تھا کہ نئی کابینہ اپنے پیش روو ¿ں کی کوششوں کو آگے بڑھاتے ہوئے تنظیم کو مزید مستحکم کرے گی اور یونیورسٹی کے اساتذہ کی فلاح و بہبود کے لیے اجتماعی طور پر کام جاری رکھے گی۔پریس سیکریٹری خالد حسن نے سابق صدر آصف حسین سمو اور سابق نائب صدر محترمہ قرةالعین نذیر کی خدمات کو بھی سراہا۔ انہوں نے تنظیم کے قیام میں ان کی کوششوں اور اساتذہ کے مفادات کے فروغ کے لیے ان کے اہم کردار کو خراجِ تحسین پیش کیا۔ کابینہ کا انتخاب جمہوری عمل کے تحت بلا مقابلہ عمل میں آیا۔نو منتخب کابینہ میں وفا منصور صدر، عظیم انعام نائب صدر، ڈاکٹر عنایت اللہ مگسی جنرل سیکریٹری، وجیہہ نعیم جوائنٹ سیکریٹری، مظفر شاہ فنانس سیکریٹری اور خالد حسن پریس سیکریٹری شامل ہیں۔حلف برداری کی تقریب نئی کابینہ کی مدتِ کار کے آغاز کی علامت تھی۔ اس موقع پر اساتذہ کی فلاح و بہبود، پیشہ ورانہ عزت و وقار، ادارے میں ہم آہنگی اور اساتذہ کے حقوق کے تحفظ کے لیے نئے عزم کا اظہار کیا گیا۔