میٹا کا اے آئی ایجنٹ میوز ملازمین کو انجان بینک بیلنس اور پیغامات بھیجنے لگا: رپورٹ

روئٹرز کی دیکھی گئی اندرونی پوسٹس کے مطابق میٹا کے ملازمین نے شکایت کی کہ اے آئی ایجنٹ میوز ان کے پرائیویٹ پیغامات تک پہنچا، ایسے بینک بیلنس بتائے جو ان کے نہیں تھے اور بظاہر دوسرے صارفین کی باتیں بھیجیں۔ میٹا نے انہیں اکا دکا واقعات اور اے آئی کی من گھڑت باتیں قرار دیا ہے۔

میٹا کے اے آئی ایجنٹ «میوز» کے بارے میں پریشان کن باتیں سامنے آئی ہیں۔ خبر رساں ادارے روئٹرز نے میٹا کی اندرونی پوسٹس دیکھی ہیں، جن کے مطابق کمپنی کے اپنے ملازمین نے شکایت کی کہ میوز ان کے پرائیویٹ پیغامات میں گھس رہا ہے، خریداری کے بارے میں غلط معلومات دے رہا ہے اور انہیں ایسی باتیں بھیج رہا ہے جو بظاہر کسی اور صارف کی ہیں۔

کچھ ملازمین کو تو میوز نے ایسے بینک اکاؤنٹس کے بیلنس بھی بتا دیے جو ان کے تھے ہی نہیں۔ اس پر ملازمین کو خدشہ ہوا کہ کہیں یہ ایجنٹ مختلف صارفین کی باتیں آپس میں ملا کر ایک دوسرے کا ڈیٹا تو نہیں دکھا رہا۔

میٹا کا کہنا ہے کہ یہ «اکا دکا واقعات» تھے اور ان میں سے زیادہ تر پیغامات اے آئی کی من گھڑت باتیں تھیں، جنہیں ٹھیک کر دیا گیا ہے۔

اپنا تبصرہ بھیجیں