کوئٹہ (این این آئی)اکاؤنٹنٹ جنرل بلوچستان کے ایک اعلامیہ کے مطابق دفتر اکاؤنٹنٹ جنرل بلوچستان کئی سالو ں سے کوئٹہ دفتر میں کھلی کچہری کا باقاعدہ انعقاد کرتا آرہا ہے بلوچستان کے دیگر ضلعوں کے مسائل اور شکایات کو مدنظر رکھتے ہوئے اے جی بلوچستان نصراللہ جان نے اے جی سب آفس اوتھل میں جمعرات 24 جولائی 2025ء کو بوقت گیارہ بجے سے دوپہر ایک بجے تک کھلی کچہری کے انعقاد کا فیصلہ کیا ہے جہاں ڈپٹی اکاؤنٹنٹ جنرل بلوچستان ڈی ڈی اوز (DDOs) صوبائی سرکاری ملازمین اور پنشرز کے مسائل کو سنیں گے اور ان کے حل کے لئے اسی وقت احکامات صادر فرمائیں گے۔ اکاؤنٹنٹ جنرل بلوچستان نے کہا ہے کہ ملازمین اور پنشرز کو چاہیے کہ وہ کھلی کچہری اور شکایات سیل جیسے اقدامات سے استفادہ حاصل کریں اور اپنے دیرینہ مسائل کے حل کے لئے رابطہ کریں تاکہ ان کو بروقت حل کیا جاسکے۔
اکاؤنٹنٹ جنرل بلوچستان 24 جولائی کو کھلی کچہری لگائیں گے
