پنجگور(این این آئی) پنجگور ڈپٹی کمشنر عبدالکبیر زرکون کا دورہ ٹیچنگ اسپتال ایمرجنسی کا معائنہ کیا اور اسٹاف کی حاضریوں کو چیک کیا اور صفائی کی صورتحال کا جائزہ لیا اس موقعے پر ایم ایس ٹیچنگ اسپتال ڈاکٹر وزیر احمد بھی موجود تھے ڈپٹی کمشنر پنجگور عبدالکبیر زرکون نے اسپتال کے ایڈمنسٹریٹر اور عملہ پر زور دیا کہ وہ بلاامتیاز شہریوں کوطبی سہولتوں کی فراہمی یقینی بنائیں انہوں نے کہا کہ اس سلسلے میں کوئی کوتاہی برداشت نہیں کرینگے انہوں نے اسپتال میں صفائی کے نظام پر بھی برہمی کا اظہار کیا اور کہاکہ ایمرجنسی میں شہریوں کو کوئی شکایت نہیں ہونی چائیے ڈپٹی کمشنر اسپتال کے دورے کے موقعے پر تھلیسیما سینٹر بھی گئے اور خون کی کمی کے شکار بچوں کے لیے تھلیسیما سینٹر کے اسٹاف کے کردار کو سراہا ڈپٹی کمشنر عبدالکبیر زرکون نے کہا کہ صحت کے شعبہ سے منسلک افراد کو زمہ داری کا مظاہرہ کرنا چاہئے۔
پنجگور ڈپٹی کمشنر عبدالکبیر زرکون کا دورہ ٹیچنگ ہسپتال
