بلوچستان کو ایک طرف کچھ غلام ذہن لوگ اور جھتے ہماری بنیاد اور ازلی روایات سے الگ کرنے کی ناکام سازشوں میں مصروف عمل ہیں،میر مْطیع الرحمن مینگل

کوئٹہ(این این آئی) شہید میر عطاء الرحمن مینگل کے فرزند سیاسی و قبائلی رہنما میر مْطیع الرحمن مینگل نے کہا ہے کہ حق پرستوں اور باطل پرستوں کے مابین عزیمت کا سفر ہمیشہ سے قائم رہا ہے ہماری بنیاد اور اساس واضح ہے ہم اس سرزمین کو طاغوتی ایجنڈوں کی آماجگاہ بننے نہیں دینگے۔یہاں جاری کردہ ایک بیان میں میر مْطیع الرحمن مینگل نے کہا ہے کہ علمی فِکری، نظریاتی و سیاسی جدوجہد اور قربانیوں کی غیر معمولی داستانیں ہمارے لئے مشعل راہ ہے قربانیوں اور جدوجہد کا یہ تسلسل میر شفیق الرحمن مینگل کی قیادت اور رہبری میں جاری رہے گا ہزاروں لاکھوں افراد حق کی تحریک سے جْڑ چْکے ہیں یہ قافلہ جانب منزل مستحکم اور رواں دواں ہے۔