راولپنڈی: پاکستان اور جنوبی افریقا کے درمیان ٹیسٹ سیریز کا دوسرا اور آخری میچ راولپنڈی کرکٹ اسٹیڈیم میں کھیلا جارہا ہے۔
پاکستان نے 4 وکٹوں کے نقصان پر 212 رنز بنالیے ہیں، سعود شکیل اور محمد رضوان کریز پر ہیں۔
پاکستان کی پہلی وکٹ 35 رنز پر گری جب امام الحق سترہ رنز بناکر پویلین لوٹ گئے، عبداللہ شفیق 57 رنز بناکر آؤٹ ہوئے۔
بابر اعظم ایک بار پھر لمبی اننگز کھیلنے میں ناکام نظر آئے اور صرف 16 رنز ہی بناسکے، 212 کے مجموعی اسکور پر شان مسعود 87 رنز بناکر آؤٹ ہوگئے۔
قبل ازیں پاکستان نے ٹاس جیت کر پہلے بیٹنگ کا فیصلہ کیا، پاکستان کی جانب سے ٹیم میں ایک کھلاڑی کی تبدیلی کی گئی ہے، فاسٹ بولر حسن علی کی جگہ آصف آفریدی کو ٹیم میں شامل کیا گیا جو آج اپنا ڈیبیو کر رہے ہیں۔
کپتان شان مسعود کا کہنا تھا کہ پچ تھوڑی سی خشک لگ رہی ہے لیکن ہمیں معلوم نہیں کہ یہ کیسی کھیلے گی، ہم نے یہاں کافی عرصے سے نہیں کھیلا، اس لیے بہتر ہے کہ پہلے بیٹنگ کریں۔
مہمان ٹیم کے کپتان ایڈن مارکرم کا کہنا تھا کہ ہم نے لاہور ٹیسٹ کی پہلی اننگز سے کافی سبق سیکھا ہے، دوسرے میچ میں ویان ملڈر اور سبرین کی جگہ مارکو جینسن اور کیشو مہاراج کو شامل کیا گیا ہے۔
پچ رپورٹ
بازید خان کہتے ہیں کہ گیند بہت جلد ٹرن لینا شروع کر دے گی، پچ بہت کھردری ہے، گیند کو مدد حاصل ہوگی اور پھر یہ گھومے گی۔ بیٹر کے طور پر آپ کو مثبت کھیلنا ہوگا اور سویپ شاٹ بہت اہم ہوگا۔ میرے خیال میں یہ وکٹ لاہور کی پچ سے بھی زیادہ خشک اور کھردری ہے۔ کوئی بھی اسکور جو 150 سے اوپر ہو، چوتھی اننگز میں واقعی مشکل ثابت ہو سکتا ہے۔
رمیز راجا نے کہا کہ چوتھی اننگز شاید تیسرے دن ہی آ جائے۔
پاکستان الیون
کپتان شان مسعود، امام الحق، عبداللہ شفیق، بابر اعظم، سعود شکیل، محمد رضوان، سلمان علی آغا، شاہین شاہ آفریدی، نعمان علی، ساجد خان اور آصف آفریدی۔
جنوبی افریقا الیون
کپتان ایڈم مارکرم، ریان ریکلٹن، ٹرسٹان اسٹب، ٹونی ڈی زورزی، ڈیوالڈ بریوس، کائل ویرائن، سمن ہارمر، مارکو جینسن، متھو سامی، کیشو مہاراج اور ربادا۔
