اوستہ محمد پولیس کی کاروائی ایک ملزم کو گرفتار کر کے منشیات برآمد کرلیں

اوستہ محمد (این این آئی)اوستہ محمد پولیس کی کاروائی ایک ملزم کو گرفتار کر کے منشیات برآمد کرلیں، پولیس کے مطابق ایس پی اوستہ محمد کی خصوصی ہدایات اور ڈی ایس پی سرکل اْوستہ محمد امجد علی جمالی کی نگرانی میں ایس ایچ او تھانہ صدر اْوستہ محمد منظور احمد جمالی نے کارروائی کرتے ہوئے ولی محمد ساکن نزد گڑھی خیرو کو دورانِ اسنیپ چیکنگ گرفتار کر لیا۔ دورانِ تلاشی ملزم کے قبضہ سے ایک کلوگرام پختہ چرس برآمد ہوئی۔ اسکے چرس کی اسمگلنگ میں استعمال ہونے والی موٹر سائیکل بھی قبضہ میں لی گئی۔ ملزم کے خلاف مقدمہ درج کر لیا گیا ہے۔