بھارت میں معروف اداکار ٹائیگر شروف پر فائرنگ کے واقعے کے بعد ممبئی پولیس نے بالی ووڈ شخصیات کو سیکیورٹی خدشات کے پیش نظر عوامی مقامات اور بڑے اجتماعات سے دور رہنے کی ہدایت کر دی۔
بھارتی میڈیا کے مطابق ممبئی پولیس نے معروف اداکاروں کو پرہجوم مقامات پر جانے اور مداحوں سے ملاقاتوں میں احتیاط برتنے کا مشورہ دیا ہے۔
گزشتہ ماہ ممبئی میں ٹائیگر شروف کی گاڑی پر تین مسلح افراد نے فائرنگ کی تھی جس کے نتیجے میں اداکار زخمی ہو گئے تھے۔ پولیس نے واقعے میں ملوث تین مشتبہ حملہ آوروں کو گرفتار جبکہ سازش سے مبینہ طور پر تعلق رکھنے والے مزید 8 افراد کو حراست میں لیا تھا۔
پولیس اس بات کی تحقیقات کر رہی ہے کہ آیا حملے کے پیچھے کسی جرائم پیشہ گروہ کا ہاتھ تھا۔
واقعے کے بعد بالی ووڈ ستاروں کی سیکیورٹی مزید سخت کر دی گئی ہے۔
