ڈپلومہ انجینئرز محکمہ زراعت زون کے انتخابات20اگست کو ڈائریکٹر جنرل زراعت آفس رانی باغ میں منعقد ہونگے، حاجی محمد ابراہیم زہری

کوئٹہ(این این آئی) پاکستان ڈپلومہ انجینئرز فیڈریشن کے صوبائی جنرل سیکرٹری حاجی محمد ابراہیم زہری سے محکمہ زراعت کے سینئر انجینئروں کے ایک وفد نے ملاقات کی جس میں انجینئر شیراحمد بلوچ،نعمت اللہ کرد، انور لاشاری،ندیم شاہوانی،نوید بلوچ، شیر محمد لہڑی اورداد علی شاہوانی شامل تھے۔ملاقات میں باہمی مشاورت سے فیصلہ کیا گیا کہ ڈپلومہ انجینئرز محکمہ زراعت زون کے انتخابات کے سلسلے میں ایک اجلاس 20اگست کو ڈائریکٹر جنرل زراعت آفس رانی باغ میں منعقد ہوگا محکمہ زراعت کے تمام ممبران کو تاکید کی جاتی ہے کہ وہ 20اگست تک اپنے زون کے انتخابات کی تیاری کریں تاکہ ایک صحیح ایماندار قیادت کو منتخب کیا جاسکے۔