دالبندین پریس کلب کی مزید فعالیت اور بہتری کے لیے ہر ممکن کوشش کی جائے گی،حاجی فاروق

دالبندین(این این آئی)دالبندین پریس کلب میں، پریس کلب کے صدر حاجی فاروق سیاہ پاد رند کی زیرِ صدارت، صدر آفس میں ایک اہم اجلاس منعقد ہوا۔اجلاس میں کابینہ کے اکثریتی عہدیداران نے شرکت کی۔اس موقع پر پریس کلب کے جنرل سیکرٹری ریاض حسین بلوچ نے پریس کلب کی جامع رپورٹ کابینہ کے سامنے پیش کی۔کابینہ اجلاس میں پریس کلب کی مزید فعالیت اور بہتری کے لیے اہم نکات زیرِ بحث آئے۔ اجلاس میں چند اہم فیصلے کیے گئے جنہیں کابینہ نے منظور بھی کیا۔اجلاس میں پریس کلب کے سرپرستِ اعلیٰ حاجی عبد الستار کشانی، سینئر نائب صدر ظاہر شہزاد نوتیزئی، جنرل سیکرٹری ریاض حسین بلوچ، آفس سیکرٹری فیض اللہ عابد اور دیگر اراکین موجود تھے۔اجلاس سے خطاب کرتے ہوئے پریس کلب کے صدر حاجی فاروق سیاہ پاد رند نے کہا کہ دالبندین پریس کلب کی مزید فعالیت اور بہتری کے لیے ہر ممکن کوشش کی جائے گی۔ جو فیصلے آج کے اجلاس میں کیے گئے ہیں، ان پر عمل درآمد کو سب مل کر یقینی بنانے کی ہر ممکن کوشش کریں گے۔