اکاؤنٹنٹ جنرل پاکستان ریونیو کی جانب سے وفاقی اداروں کی ڈی ڈی اوز کے لئے تربیتی ورکشاپ کا انعقاد

کوئٹہ (این این آئی) اکاؤنٹنٹ جنرل آف پاکستان ریونیو, فیڈرل اکاؤنٹس بورڈ سسٹم (فیب) کی جانب سے وفاقی اداروں کی ڈی ڈی اوز کی استبداد کار میں جدت لانے کے لئے ایک تربیتی ورکشاپ کا انعقاد کیا گیا۔ تربیتی ورکشاپ کا بنیادی مقصد وفاقی اداروں میں مالی اور بلنگ سے متعلق معاملات میں آسانی پیدا کرنے اور غیر ارادی ڈیلے سے بچنے کے لئے آن لائن بلنگ سلوشن کی اہمیت و فوائد پر آگاہی فراہم کی گئی۔ اس موقع پر وفاقی اداروں کی ڈی ڈی اوز کو بتایا گیا کہ آن لائن بلنگ سلوشن اختیار کرنے سے بلوں کی ادائیگی میں نہ صرف وقت کا ضیاں ختم ہوگا بلکہ بلوں ادائیگی میں شفافیت بھی پیدا ہوگی، کاغذ کا استعمال کم ہوگا جس سے کاغذ کے مد میں آنے والے اخراجات میں کمی آئیگی۔ سب سے بڑھ کر یہ ہے کہ ڈی ڈی اوز اپنے آفس میں بیٹھ کر اپنا بل بھیج سکتا ہے، بل کی پراسس، سٹیٹس ہے اور سٹیج بھی آن لائن معلوم کرسکتا ہے۔ ورکشاب میں بلوچستان میں قائم تمام وفاقی اداروں میں کام کرنے والے ڈی ڈی اوز کو مدعو کیا گیا تھا۔