اسسٹنٹ کمشنر دالبندین مجیب الرحمٰن ساتکزئی نے چارج سنبھال لیا

دالبندین(این این آئی)اسسٹنٹ کمشنر دالبندین مجیب الرحمٰن ساتکزئی نے اپنے عہدے کا چارج سنبھال کر باقاعدہ کام کا آغاز کردیا۔ اس موقع پر عوامی حلقوں اور تحریکِ آواز چاغی نے ان کا پْر جوش خیرمقدم کرتے ہوئے خوش آئند قرار دیا۔عوامی نمائندوں اور سماجی حلقوں نے اْمید ظاہر کی کہ نئے اسسٹنٹ کمشنر اپنی صلاحیتوں کو بروئے کار لاتے ہوئے دالبندین کے عوام کی فلاح و بہبود اور ان کے جائز مسائل کے حل میں بھرپور کردار ادا کریں گے۔شہریوں کا کہنا ہے کہ اگر انتظامیہ عوامی مسائل کے حل میں سنجیدگی سے توجہ دے تو نہ صرف دالبندین میں عوامی مشکلات کم ہوں گی بلکہ اعتماد اور تعاون کی فضا بھی مزید مضبوط ہوگی۔