بلوچستان پرتاریخ کاغیرسنجیدہ ترین حکومت مسلط ہے،درجہ چہارم کے ملازمت کے لیئے گوادر سے زوب تک ہزاروں لوگوں کا اجتماع لگاکر تماشا کیا گیا، اسلم بلوچ

کوئٹہ(این این آئی) نیشنل پارٹی کے صوبائی صدر اسلم بلوچ نے کہا ہے کہ بلوچستان پر تاریخ کا غیرسنجیدہ ترین حکومت مسلط ہے تین دن ٹرانسپورٹ بند کرکے اس دوران بلوچستان بھر سے محکمہ زراعت کے خالی اسامیوں کو پر کرنے کا تماشا کیا گیا اس کے باوجود ہزاروں بیروزگار نوجوان یکجا ہوگئے تاریخ میں پہلی بار یہ تجربہ کیا گیا کہ درجہ چہارم کے پوسٹ کے لیئے نادار اور بیروزگار امیدواروں کوگوادر سے لیکر زوب تک انٹرویو کے لیئے کوئٹہ آنا پڑا وہ بھی ایسے وقت میں جب حکومت نے خود تین روز تک پبلک ٹرانسپورٹ بند کرنے کے احکامات جاری کی ہیں ٹرانسپورٹ بند کرکے انٹرویو کرانا خود سارے عمل کو مشکوک بناتا ہے’ اسلم بلوچ نے کہا ہے کہ فارم 47کے ذریعے جن غیرمقبول لوگوں کو مسلط کیا گیا ہے انہوں نے بلوچستان میں کرپشن کا بازار گرم کرکے تباہی مچارکھی ہے تمام خالی اسامیوں کی بولیاں لگاکر بیروزگار نوجوانوں کا اجتماع کوئٹہ میں لگانے کے بجائے اندرون بلوچستان اضلاع میں ٹیسٹ انٹرویو کا یہ ڈرامہ کیا جاتا ویسے بھی سودا لگاکر انے والے سرکار کو میرٹ سے کوئی سروکار نہیں ہے۔