محمود مولوی کی متحدہ عرب امارات کے قونصل جنرل سے ملاقات

کراچی (این این آئی)سابق رکن قومی اسمبلی اور سینئر سیاستدان محمود مولوی نے کراچی میں متحدہ عرب امارات کے قونصل جنرل بخیت عتیق الرومیتی سے ڈنر پر ملاقات کی۔ اس موقع پر دونوں شخصیات کے درمیان باہمی دلچسپی کے مختلف امور پر تفصیلی تبادلہ خیال کیا گیا۔ملاقات میں دوطرفہ تعلقات کو مزید مستحکم بنانے، تجارتی اور سرمایہ کاری کے مواقع بڑھانے اور پاکستان و متحدہ عرب امارات کے عوامی روابط کو مزید فروغ دینے پر بات کی گئی۔۔ملاقات کے دوران سابق گورنر سندھ عمران اسماعیل بھی موجود تھے۔