حاجی نورمحمد خان دمڑ کا ہرنائی محلہ اختر آباد میں مکان کی چھت گرنے کے نتیجے میں دو جوان لڑکیوں کے جاں بحق ہونے پر افسوس کا اظہار

کوئٹہ(این این آئی)صوبائی وزیر خوراک حاجی نورمحمد خان دمڑ نے ہرنائی محلہ اختر آباد میں بارش کی وجہ سے مکان کی چھت گرنے کے نتیجے میں دو جوان لڑکیوں کے جاں بحق ہونے کے واقعے پر انتہائی دکھ اور دلی افسوس کا اظہارکرتے ہوئے لواحقین سے تعزیت کی ہے۔ یہاں سے جاری اپنے ایک بیان میں صوبائی وزیر خوراک حاجی نورمحمد خان دمڑ نے متاثرہ خاندان سے دلی ہمدردی کا اظہار کرتے ہوئے جاں بحق بہنوں کی مغفرت اور پسماندگان کے لئے صبر جمیل کی دعا کی ہے اور کہا ہے کہ صوبائی حکومت متاثرہ خاندان کے غم میں برابر کی شریک ہے اور انہیں تنہا نہیں چھوڑا جائے گا اور ان کی ہر ممکن مدد کی جائے گی