حکومت بلوچستان کی جانب سے ضلع بھر کے تمام ڈی ڈی اوز کے لیئے تربیتی ورکشاپ کا انعقاد

کوئٹہ(این این آئی) حکومت بلوچستان کی جانب سے ضلع بھر کے تمام ڈی ڈی اوز کے لیئے تربیتی ورکشاپ کا انعقاد گورنمنٹ گرلز ہائیئر سیکنڈری سکول میں کیاگیا۔تربیتی ورکشاپ میں ڈپٹی کمشنر کیپٹن ریٹائرڈ جمیل بلوچ ڈسٹرکٹ اکاونٹس آفیسر عبدالفتاح نے سمیت ضلع کے تمام وفاقی اور صوبائی محکموں کے ڈی ڈی اوز نے شرکت کی۔ورکشاپ میں ڈی ڈی اوز کو اکاونٹس کے کام مسائل اور انکے حل کوڈز اور ایپلیکیشنز کے استعمال سے متعلق تفصیلی آگاہی دی گئی۔تربیتی ورکشاپ سے ڈپٹی کمشنر جمیل بلوچ ڈسٹرکٹ اکاونٹس آفیسر عبدالفتاح نے خطاب کرتے ہوے کہاکہ یہ تربیت آپ سب کے لیئے انتہائی اہم اور فائدہ مند ہے سجیدگی سے اس تربیت کو حاصل کریں اور اکاونٹس سے متعلق تمام پراسز سیکھ لیں تاکہ کسی قسم کا مشکل پیش نہ آئے جب تک تمام پراسز آپ لوگ سمجھ نہیں لیتے ورکشاپ جاری رہیگا۔