نصیرآباد،ترقیاتی منصوبوں پر کام تیزی سے جاری، عوام کو سفری سہولیات میسر آئینگی، ایکسین مواصلات

چھتر(این این آئی)ایکزیکٹیو انجنئیر روڈز نصیرآباد عبدالرحمن کاکڑ نے کہا ہے کہ ترقیاتی منصوبوں کے معیار پر کوئی سمجھوتہ نہیں کیا جائے گا، منصوبوں کی تکمیل سے معاشی و تجارتی سرگرمیوں کو بھی فروغ ملے گا۔انہوں نے کہا کہ ضلع بھر میں ترقیاتی منصوبوں پر کام تیزی سے جاری ہے۔ ان منصوبوں کی تکمیل سے عوام کو بہتر سفری سہولیات میسر آئیں گی اور شہری و دیہی علاقوں کے درمیان آمدورفت مزید آسان ہوگی انہوں نے کہا کہ نصیرآباد کے عوام کی سہولت کے پیشِ نظر سڑکوں اور پلوں سمیت دیگر منصوبوں پر بھرپور رفتار سے کام جاری ہے۔ ان منصوبوں سے نہ صرف روزمرہ سفر میں آسانی ہوگی بلکہ تجارتی و معاشی سرگرمیوں میں بھی اضافہ ہوگا جس سے علاقائی ترقی کو فروغ ملے گا ایکسین مواصلات و تعمیرات نصیرآباد عبدالرحمن کاکڑ نے کہا کہ تمام منصوبوں کی تکمیل جدید انجینئرنگ معیار کے مطابق کی جا رہی ہے اور اس بات کو یقینی بنایا جا رہا ہے کہ ترقیاتی کام پائیدار ثابت ہوں۔ انہوں نے مزید کہا کہ حکومت کی ہدایات کے مطابق دستیاب وسائل کو بروئے کار لاتے ہوئے عوام کو بنیادی سہولیات فراہم کرنا محکمہ کی اولین ترجیح ہے۔