نصیرآباد(این این آئی)کمشنر نصیرآباد ڈویژن صلاح الدین نورزئی کی زیر صدارت محکمہ ایریگیشن کے ترقیاتی امور کے حوالے سے ایک اہم جائزہ اجلاس منعقد ہوا۔ اجلاس میں سپرنٹنڈنگ انجینئر ایریگیشن نصیرآباد سرکل غلام سرور بنگلزئی، ایگزیکٹو انجینئر ایریگیشن ڈرینیج سسٹم گل حسن خان کھوسہ، ایگزیکٹو انجینیئر جھل مگسی محمد یار مگسی، ایگزیکٹو انجینئر کچھی کینال غلام محمد بادینی، سب ڈویڑنل آفیسرز فرخ شہزاد اور محمد امین زہری سمیت دیگر متعلقہ افسران شریک تھے۔ اجلاس کے دوران سپرنٹنڈنگ انجینئر غلام سرور بنگلزئی و دیگر ایگزیکٹو انجینیئرز نے بھی اپنی جائے تعیناتی پر جاری ترقیاتی منصوبوں اور مستقبل کے لائحہ عمل پر روشنی ڈالی۔ اجلاس سے خطاب کرتے ہوئے کمشنر نصیرآباد صلاح الدین نورزئی نے کہا کہ محکمہ ایریگیشن کے جاری ترقیاتی منصوبوں کو معیار کے مطابق مکمل کرنے کے لیے تمام انجینیئرز اپنی پیشہ ورانہ صلاحیتیں بروئے کار لائیں تاکہ جو ترقیاتی منصوبے جاری ہیں انہیں تکمیل مدت میں مکمل کئیے جائیں ان ترقیاتی منصوبوں کی تکمیل کے بعد نہری نظام میں مزید بہتری آئے گی انہوں نے کہا کہ صوبائی حکومت کاشتکاروں کی خوشحالی اور زرعی ترقی کے لیے غیر معمولی اقدامات کر رہی ہے، خاص طور پر پٹ فیڈر کینال، کیرتھر کینال، ایریگیشن ڈرینیج سسٹم اور ذیلی شاخوں کی بہتری کے لیے کئی منصوبے متعارف کروارہی ہے جن کا شفاف انداز میں مکمل ہونا انتہائی ضروری عمل ہے تمام آفیسران کی اولین ترجیح ہونی چاہییکہ وہ منصوبوں پر خصوصی توجہ دیں۔ کمشنر نے واضح کیا کہ ہماری بھرپور کوشش ہے کہ تمام ترقیاتی منصوبوں کا جائزہ لینے کے لیے سرپرائز وزٹ کئے جائیں۔
محکمہ ایریگیشن منصوبوں کی معیار کے مطابق تکمیل کیلئے انجینئرز پیشہ ورانہ صلاحیتیں بروئے کار لائیں،صلاح الدین نورزئی
