موسمیاتی تبدیلی چیلنجز کے مقابلے،ماحولیات بہتر ی کیلئے شجرکاری مہم میں سرگرم عمل ہیں،ایڈیشنل ڈپٹی کمشنر قلات

قلات(این این آئی) حکومت بلوچستان موسمیاتی تبدیلیوں کے چیلنجز کا مقابلہ کرنے اور ماحولیات کو بہتر بنانے کے لیے شجرکاری مہم میں سرگرم عمل ہے۔وزیراعلی بلوچستان میرسرفراز بگٹی کی خصوصی ہدایت پر محکمہ جنگلات کیجانب سے صوبے بھر میں لاکھوں پودوں کی شجرکاری پلان کی منظوری دی گئی ہے ڈسٹرکٹ ایڈمنسٹریشن قلات کی جانب سے محکمہ جنگلات کے تعاون سے ایک بیٹی ایک شجر۔کے عنوان سے شجر کاری تقریب کا انعقادگورنمنٹ گرلز ڈگری کالج قلات میں کیاگیاایڈیشنل ڈپٹی کمشنر شاہنواز بلوچ ڈویژنل فاریسٹ آفیسر علی اکبر بنگلزئی پرنسپل گرلز کالج محترمہ ثاقبہ امام فوکل پرسن ڈی سی آفس بابو عبدالسلام مینگل ایس ڈی او وائلڈ لائف شیر احمد رینج فاریسٹ آفیسر حبیب لہڑی ڈپٹی رینجر نزیراحمدنیچاری کالج کے اساتزہ اور طالبات شجرکاری مہم میں شریک ہوئے یڈیشنل ڈپٹی کمشنر اور ڈویڑنل فاریسٹ آفیسر نے طالبات میں یودے تقسیم کیئے ڈویڑنل فاریسٹ آفیسر علی اکبر بنگلزئی نے ایڈیشنل ڈپٹی کمشنر کو قلات میں شجرکاری مہم سے متعلق تفصیلی بریفنگ دی ڈپٹی کمشنر قلات کیپٹن جمیل بلوچ کا کہنا کہ حکومت جنگلات کی بحالی اور قدرتی وسائل کے تحفظ پر بھی کام کر رہی ہے۔شجرکاری مہم میں کمیونٹی کو بھی شامل کرنے کیلئے آگاہی مہم چلائی جارہی ہے انہوں نے اپنے پیغام میں شہریوں سے اپیل کی ہیکہ وہ شجرکاری مہم میں شامل ہوکر قدرتی ماحول برقرار رکھنے میں اپنا کرداراداکریں۔