پاکستان ڈپلومہ انجینئر فیڈریشن زراعت زون کے انتخابات،شیراحمد علیزئی صدر،محمد صلاح چھلگری جنرل سیکرٹری منتخب

کوئٹہ(این این آئی)پاکستان ڈپلومہ انجینئرز فیڈریشن زراعت زون کا اجلاس صوبائی جنرل سیکرٹری حاجی ابراہیم زہری کی صدارت میں رانی باغ کوئٹہ میں منعقد ہوا۔ اجلاس میں اسلم کھیتران نے اعزازی مہمان اور مختلف اضلاع سے کثیرتعداد میں ڈپلومہ انجینئرز نے شرکت کی۔ اجلاس میں ڈپلومہ انجینئرز فیڈریشن زراعت زون کی نئی کابینہ کا انتخاب عمل میں لایا گیا جس کے مطابق صدر شیراحمد علیزئی، نائب صدر عزیز بازئی، جنرل سیکرٹری محمد صلاح چھلگری، جوائنٹ سیکرٹری نوید احمد بلوچ، فنانس سیکرٹری عبدالغفور شیرانی، پریس سیکرٹری سلطان احمد بنگلزئی منتخب ہوئے۔پاکستان ڈپلومہ انجینئرز فیڈریشن کے صوبائی جنرل سیکرٹری حاجی ابراہیم زہری نے نومنتخب کابینہ کو مبارکباد دی اور امید کی کہ وہ زراعت زون میں ڈپلومہ انجینئرز کے مسائل حل کریں گے۔