انصاف پینل کی بھاری اکثریت سے کامیابی، غازی محمد شہی صدر منتخب

کوئٹہ(این این آئی)انجمن فلاح و بہبود اخبار فروشاں کوئٹہ کے انتخابات میں انصاف پینل نے بھاری اکثریت سے کامیابی حاصل کرلی۔انجمن فلاح و بہبود اخبارفروشاں کے آئندہ دوسال 2025-27ء کیلئے انتخابات چیئرمین الیکشن بورڈ ٹکری مولاداد،وائس چیئرمین یوسف شاہ اور ممبران بورڈ ظہیر میر،حاجی اللہ داد،وارث خان کی نگرانی میں اخبار مارکیٹ کوئٹہ میں منعقد ہوئے۔انتخابات میں حاجی یوسف،سید نوراحمد شاہ کے انصاف پینل اوراتحاد پینل کے درمیان مقابلہ ہوا انجمن فلاح و بہبود اخبارفروشاں کوئٹہ کے246ممبران نے اپنا ووٹ کاسٹ کیا۔چیئرمین الیکشن بورڈ ٹکری مولاداد نے نتائج کا اعلان کرتے ہوئے بتایا کہ انصاف پینل کے تمام امیدوارکامیاب قرار پائے جس کے مطابق حاجی غازی محمد شہی صدر، میراحمد راسکوہ وال جنرل سیکرٹری،حاجی شفیع محمد سمالانی سینئر نائب صدر، شاہ جہان بلوچ سینئر جوائنٹ سیکرٹری،عبدالمجیدمحمدحسنی ڈپٹی جنرل سیکرٹری،حاجی اللہ گل محمد حسنی جوائنٹ سیکرٹری،حاجی لعل محمد ترین نائب صدراول، سید کریم شاہ نائب صدر،حاجی سعید احمد سیکرٹری مالیات،لیاقت لانگوسیکرٹری اطلاعات، عبدالفتاح سیاپاد آفس سیکرٹری،محمد نعیم مینگل سپورٹس سیکرٹری منتخب ہوئے۔اس موقع پر چیئرمین الیکشن بورڈ ٹکری مولاداد نے خطاب کرتے ہوئے انجمن فلاح و بہبود اخبارفروشان کے نومنتخب عہدیداروں کو مبارکباد پیش کی اور کہا کہ آج خوشی کا مقام ہے کہ تمام اخبار فروشوں نے آزادانہ ماحول میں اپنا ووٹ کاسٹ کرکے جمہوری طریقے سے انجمن فلاح و بہبود اخبارفروشاں کے آئندہ دو سال کیلئے عہدیداروں کا انتخاب عمل میں لایا۔انہوں نے کہا کہ اب یہ نومنتخب عہدیداروں کی ذمہداری بنتی ہے کہ وہ اخبارفروشوں کے مسائل حل کرنے کیلئے اپنی صلاحیتوں کو بروئے کار لائیں اور اخبارفروشوں نے ان پر جس اعتماد کا اظہارکیاہے اس پر پورا اتریں۔انہوں نے کہا کہ صوبائی حکومت کو بھی چاہئے کہ وہ اخبارفروشوں کے مسائل کے حل اور انکی فلاح و بہبود کیلئے اقدامات اٹھائے۔