توخی فاؤنڈیشن کے چیئرمین حاجی شریف خان خلجی کا والد کی وفات پر تعزیت کرنے والوں سے اظہارتشکر

کوئٹہ(این این آئی)توخی فاؤنڈیشن کے چیئرمین، آغا جی بلڈرز کے مالک اور پاکستان تحریک انصاف کے رہنماء حاجی شریف خان خلجی نے اپنے والد کے انتقال پر اظہارِ تعزیت کرنے والے تمام احباب اور شخصیات کا شکریہ ادا کیا ہے۔ اپنے جاری کردہ تعزیتی بیان میں انہوں نے کہا کہ دکھ اور غم کی اس کٹھن گھڑی میں دوست احباب، رشتہ داروں، معزز قبائلی رہنماؤں، مختلف سیاسی و سماجی جماعتوں کے نمائندوں اور کاروباری برادری کے بزرگوں نے نہ صرف جنازے میں شرکت کی بلکہ تعزیتی پیغامات اور فون کالز کے ذریعے بھی ہمدردی کا اظہار کیا جس سے انہیں اور ان کے خاندان کو حوصلہ اور تقویت ملی۔انہوں نے کہا کہ والد کی جدائی ایک بڑا صدمہ ہے جسے الفاظ میں بیان نہیں کیا جا سکتا مگر احباب کی موجودگی اور محبت نے غم بانٹنے میں اہم کردار ادا کیا۔ حاجی شریف خان خلجی نے تمام شخصیات کا شکریہ ادا کرتے ہوئے کہا کہ وہ ان کے اس خلوص کو زندگی بھر یاد رکھیں گے۔انہوں نے دعا کی کہ اللہ تعالیٰ ان کے والد مرحوم کو اپنی جوارِ رحمت میں اعلیٰ مقام عطا فرمائے، جنت الفردوس میں جگہ دے اور تمام اہل خانہ کو صبرِ جمیل عطا کرے