کوئٹہ(این این آئی) پاکستان پیپلز پارٹی کے سینئر رہنما چیف آف جھالاوان نواب ثناء اللہ زہری اور مشیر برائے محکمہ بلدیات بلوچستان، نوابزادہ بابا محمد امیر حمزہ خان زہری نے اپنے تعزیتی بیان میں پارٹی کے سینئر رکن میر خان محمد زہری کی والدہ محترمہ کے انتقال پر گہرے دکھ اور افسوس کا اظہار کیا ہے۔انہوں نے مرحومہ کے انتقال پر میر خان محمد زہری اور ان کے اہلِ خانہ سے دلی تعزیت اور ہمدردی کا اظہار کرتے ہوئے دعا کی کہ اللہ رب العزت مرحومہ کو جنت الفردوس میں اعلیٰ مقام عطا فرمائے۔نواب ثناء اللہ زہری اور نوابزادہ امیر حمزہ زہری نے مزید کہا کہ “رنج و غم کی اس گھڑی میں ہم میر خان محمد زہری اور ان کے خاندان کے ساتھ برابر کے شریک ہیں۔ اللہ تعالیٰ مرحومہ کے لواحقین کو یہ صدمہ صبر و استقامت کے ساتھ برداشت کرنے کی توفیق عطا فرمائے۔
نواب ثناء اللہ زہری اور نوابزادہ بابا امیر حمزہ خان زہری کا میر خان محمد زہری کی والدہ کے انتقال پر گہرے رنج و غم کا اظہار
