کوئٹہ(این این آئی) ایف آئی اے بلوچستان نے انسانی سمگلنگ میں ملوث لینڈ روٹ ایجنٹ سمیت 3 ملزمان گرفتارکرلئے۔ ترجمان ایف آئی اے کے مطابق ایف آئی اے بلوچستان نے گوادر اور کوئٹہ میں کاروائیاں کرتے ہوئے ہوئے لینڈ روٹ ایجنٹ اور اشتہاریوں سمیت 3 انسانی سمگلر گرفتارکرلیے گرفتار ملزمان میں قربان علی، عبدالعلیم عرف واوا اور عوزیب شامل ہیں۔ ترجمان کے مطابق گرفتار ملزم عوزیب غیر قانونی سمندر کے راستے شہریوں کو پاکستان سے ایران بھجوانے میں ملوث ہے ملزم نے متاثرین سے فی کس 15000 روپے ایران بھجوانے کے لئے ہتھیائے، گرفتار ملزم قربان علی گزشتہ 12 سال سے ایف آئی اے کو مطلوب تھاجبکہ ملزم عبالعلیم سال 2022 سے مطلوب انسانی سمگلرز کی لسٹ میں شامل تھاگرفتار ملزمان انسانی سمگلنگ کے گھناونے جرم میں ملوث ہیں۔ترجمان کے مطابق ملزمان شہریوں کو بیرون ملک ملازمت کا جھانسہ دے کر لاکھوں روپے بٹورنے میں ملوث پائے گئے ملزمان شہریوں کو بیرون ملک بھجوانے میں ناکام رہا اور روپوش ہو گئیملزمان کی گرفتاری کے لئے اس سے قبل بھی متعدد بار چھاپے مارے گئے ملزمان سے مزید تفتیش کا آغاز کر دیا گیا ہے۔
ایف آئی اے بلوچستان کی کارروائی،انسانی سمگلنگ میں ملوث لینڈ روٹ ایجنٹ سمیت 3 ملزمان گرفتار
