ژوب میں ماں کے دودھ کی اہمیت وافادیت کے آگاہی مہم کے سلسلے میں سیمینار اور آگاہی واک کا انعقاد کیا گیا

ژوب (این این آئی)ضلع ژوب میں بلوچستان نیوٹریشن ڈائریکٹوریٹ ہیلتھ ڈیپارٹمنٹ بلوچستان کے زیر اہتمام یونیسیف کے تعاون سے ماں کے دودھ کی اہمیت اور افادیت کے متعلق آگاہی مہم کے سلسلے میں ژوب میں ایک روزہ سیمینار کا انعقاد کیا گیا۔ سیمینار میں ایم ایس ڈاکٹر سلطان، ڈسٹرکٹ نیوٹریشن کوارڈینیٹر نعمت اللہ،چائلڈ سپیشلسٹ ڈاکٹر شفیع اللہ، گائناکالوجسٹ ڈاکٹر اقرا، بی این کوآرڈینیٹر مس نغمہ، پی پی ایچ آئی سٹاف، این اس سی سٹاف، اسکول پرنسپل سمیت دیگر خواتین نے کثیر تعداد میں شرکت کی اس موقع پر سیمینار سے ایم ایس ڈاکٹر سلطان، بلوچستان نیوٹریشن ڈائریکٹوریٹ ہیلتھ ڈیپارٹمنٹ ڑوب کے کوارڈینیٹر نعمت اللہ،چائلڈ سپیشلسٹ ڈاکٹر شفیع اللّٰہ، گائناکالوجسٹ ڈاکٹر اقرا، بی این کوآرڈینیٹر مس نغمہ، پی پی ایچ آئی سٹاف، این اس سی سٹاف، اور دیگر مقررین نے خطاب کرتے ہوئے کہا کہ ماں کا دودھ بچے کا بنیادی حق ہے اور ماں کا دودھ پلانے میں آسانی فراہم کرنا معاشرے کی ذمیداری ہے انہوں نے کہ ماں کی دودھ میں بھر پور غذایت ہوتی ہے بچے ماں کا دودھ پینے سے صحت مند ہوتے ہیں۔