اخبار فروش ہمیشہ معاشرے میں علم و آگاہی پھیلانے کا ذریعہ رہے ہیں انکی شب وروز محنت سے اخبار انڈسٹری نے کافی ترقی کی،آغا عمر بنگلزئی

کوئٹہ(این این آئی)رکن بلوچستان اسمبلی آغا عمر احمدزئی نے انجمن اتحاد اخبارفروشاں کے نومنتخب عہدیداروں کو مبارکباد دیتے ہوئے کہا ہے کہ اخبار فروش ہمیشہ معاشرے میں علم و آگاہی پھیلانے کا ذریعہ رہے ہیں انکی شب وروز محنت سے اخبار انڈسٹری نے کافی ترقی کی۔ یہاں جاری ہونے والے ایک بیان میں انہوں نے کہا کہ موجودہ دور میں اخبار فروشوں کو اپنی سفیدپوشی برقرار رکھنا انتہائی مشکل ہوگیا ہے میں اخبار فروشوں کو انکے مسائل کے حل کیلئے تعاون کایقین دلاتا ہوں۔ انہوں نے انجمن اتحاد اخبار فروشاں کے نومنتخب عہدیداروں کو مبارکباد دیتے ہوئے کہا کہ اخبار فروشوں نے ان پر جس اعتماد کا اظہار کیا ہے وہ اس پر پورا اترنے کی بھر پور کوشش کریں گے۔