بوستان لیویز کی کارروائی،چھینی گئیں 2پک اپ گاڑیاں برآمد

کوئٹہ(این این آئی)بوستان لیویز نے کارروائی کرتے ہوئے چھینی گئیں 2پک اپ گاڑیاں برآمد کرلیں۔ تفصیلات کے مطابق گزشتہ شب بوستان کے ایریا میں نامعلوم ملزمان نے گن پوائنٹ پر 2 عدد پک اپ چھین لی تھیں مخبر خاص کی اطلاع پر ڈپٹی کمشنر پشین قاضی منصور احمد کی ہدایت پر اسسٹنٹ کمشنر کاریزات امیر حمزہ بلو کی زیر نگرانی ایس ایچ او بوستان سید بشیر آغا ڈیوٹی آفیسر عبدلولی دفعدار عبد الغنی دفعدار ملک عنایت اللہ نائب رسالدار لیویز نفری کیو آر ایف کے ساتھ کاروائی کرتے ہوئے قلعہ عبداللہ جنگل پیر علی زئی سے مال مسروقہ 2 پک اپ برآمد کرلئے اور جلد ہی ملزمان کی گرفتاریاں متوقع ہے مزید تفتیش ایس ایچ او بشیر آغا کر رہے ہیں۔