عوامی خدمت میری سیاست کا بنیادی ستون ہے، حاجی علی مدد جتک

کوئٹہ(این این آئی)پاکستان پیپلز پارٹی کی مرکزی کمیٹی کے رکن اور صوبائی اسمبلی کے ممبر حاجی علی مدد جتک سے ان کی رہائش گاہ پر قبائلی عمائدین اور علاقے کے عوام کی ایک بڑی تعداد نے ملاقات کی۔ اس موقع پر علاقے کے مختلف مسائل، عوامی فلاح و بہبود کے منصوبوں اور جاری ترقیاتی کاموں پر تفصیل سے تبادلہ خیال کیا گیا۔ملاقات کے دوران حاجی علی مدد جتک نے کہا کہ عوامی مسائل کا حل اور علاقے میں ترقی کے نئے دروازے کھولنا ان کا مشن ہے۔ انہوں نے کہا کہ عوامی خدمت ان کی سیاست کا بنیادی ستون ہے اور وہ اپنے حلقے کے عوام کو بنیادی سہولتیں اور بہتر مواقع فراہم کرنے کے لیے ہر ممکن اقدامات کر رہے ہیں۔حاجی علی مدد جتک نے اس عزم کا اعادہ کیا کہ علاقے کی ترقی اور خوشحالی کے لیے انقلابی اور دیرپا اقدامات کیے جائیں گے، تاکہ نوجوانوں کو روزگار اور بہتر مستقبل کے مواقع مل سکیں اور عوام کی زندگیوں میں مثبت تبدیلی لائی جا سکے۔شرکا نے حاجی علی مدد جتک کی عوامی خدمات کو سراہتے ہوئے ان کی قیادت اور پالیسیوں پر بھرپور اعتماد کا اظہار کیا اور کہا کہ ان کی کاوشوں سے علاقے میں ترقی و خوشحالی کے نئے دور کا آغاز ہو گا۔