ڈپٹی کمشنر کوئٹہ مہراللہ بادینی سے ایگزیکٹو انجینئرایری گیشن کوئٹہ ڈویژن نورمحمدمندوخیل کی ملاقات

کوئٹہ(این این آئی)ڈپٹی کمشنر کوئٹہ مہراللہ بادینی سے منگل کو ایگزیکٹو انجینئرایری گیشن کوئٹہ ڈویژن نورمحمدمندوخیل نے ملاقات کی۔ ملاقات کے دوران محکمہ ایری گیشن کے کوئٹہ میں ڈیموں پر جاری ترقیاتی کاموں سمیت دیگرامور پر تبادلہ خیال کیا گیا۔ڈپٹی کمشنر کوئٹہ مہر اللہ بادینی نے کہا کہ کوئٹہ شہر اور کوئٹہ ڈویژن میں زیرتعمیر ڈیمز کو اپنے مقررہ وقت کے اندر اندرمکمل کیا جائے اور اس بات کو یقینی بنایا جائے کہ ڈیموں کی تعمیر معیار کے مطابق ہو۔ ایگزیکٹو انجینئر ایری گیشن کوئٹہ ڈویژن نورمحمد مندوخیل نے بتایا کہ وہ خود ورانکی ٹیم زیر تعمیر ڈیموں کا وقتاً فوقتاً معائنہ کررہی ہے اور اس بات کو یقینی بنایا جارہا ہے کہ ڈیمز کی تعمیر میں ناقص میٹریل استعمال نہ ہو۔