ڈیرہ بگٹی (این این آئی) ڈیرہ بگٹی کے علاقے میں بارودی سرنگ دھماکوں میں خاتون سمیت2افراد جاں بحق جبکہ 2افرادزخمی ہوگئے۔ لیویز کے مطابق ڈیرہ بگٹی کے علاقے لانجو سغاری میں نامعلوم افراد کی جانب سے زیر زمین بچھائی گئی بارودی سرنگ دھماکے سے پھٹنے کے نتیجے میں ایک خاتون فرزانہ زوجہ لالے موقع پر جاں بحق ہوگئی۔ جبکہہ باغ علی کیمپ کے قریب بھی بارودی سرنگ دھماکے میں ایک شخص علی جتھہ جاں بحق جبکہ دو افراد عبداللہ اورایک 9سالہ بچی زخمی ہوگئے۔ لیویز نے نعشوں اورزخمیوں کو ہسپتال منتقل کردیا جہاں نعشیں ضروری کارروائی کے بعد ورثاء کے حوالے کردی گئیں۔ واقعات کے بعد لیویز اورایف سی نے علاقے کو گھیرے میں لیکر سرچ آپریشن شروع کردیا ہے۔
ڈیرہ بگٹی،بارودی سرنگ دھماکوں میں خاتون سمیت 2افراد جاں بحق، 2افرادزخمی
