بولان(این این آئی)سب ڈویڑن سنی میں عوامی مسائل کے حل اور براہِ راست عوام سے رابطہ قائم کرنے کے لیے ڈپٹی کمشنر کچھی کیپٹن ریٹائرڈ جمعہ داد خان مندوخیل کی زیرِ صدارت شاندار کھلی کچہری کا انعقاد کیا گیا اس موقع ضلعی و انتظامی آفیسران بھی موجود تھے کھلی کچہری میں شہریوں کی بڑی تعداد نے شرکت کی اور باری باری مختلف عوامی ایشوز بابت اہم مسائل سے ڈپٹی کمشنر کچھی کو آگاہ کیا ڈپٹی کمشنر کچھی کیپٹن ریٹائرڈ جمعہ داد خان مندوخیل نے عوام کے مسائل سننے کے بعد مختلف محکموں کے افسران کو فوری اقدامات کرنے کے احکامات جاری کیے۔ انہوں نے خطاب کرتے ہوئے کہا کہ عوامی خدمت ہماری اولین ترجیح ہے۔ کھلی کچہریوں کا مقصد یہی ہے کہ لوگوں کے مسائل ان کی دہلیز پر حل ہوں۔ کسی بھی محکمے میں غفلت یا کرپشن برداشت نہیں کی جائے گی۔ تمام محکموں کے افسران عوام کو سہولیات فراہم کرنے کے لیے اپنی ذمہ داریاں پوری ایمانداری سے ادا کریں۔ انہوں نے مزید کہا کہ ترقیاتی منصوبوں کو بروقت مکمل کیا جائے گا اور جہاں کہیں بھی کرپشن یا ناقص کام کی شکایت ملی، وہاں سخت کارروائی ہوگی ڈپٹی کمشنر نے عوام کو یقین دلایا کہ ان کے مسائل کے حل کے لیے تمام دستیاب وسائل بروئے کار لائے جائیں گے اور جلد از جلد عملی اقدامات کیے جائیں گے۔
کچھی،سنی میں عوامی مسائل کے حل کیلئے کھلی کچہری کا انعقاد
