شاہنواز زہری ایگریکلچر ایمپلائز یونین بلوچستان کے نائب صدرمنتخب

کوئٹہ (این این آئی)ایگریکلچر ایمپلائز یونین بلوچستان نے اپنی یونین کو گراس روٹ لیول سے فعال اور مضبوط بنانے کیلئے عملی اقدامات شروع کر دیئے ہیں۔ اس حوالے سے ایگریکلچر ایمپلائز یونین بلوچستان کا ایک اجلاس مرکزی سیکرٹریٹ میں منعقد ہوا۔اجلاس میں مرکزی صدر غفار جمالی اورجنرل سیکرٹری منظور بلوچ سمیت دیگر عہدیداروں نے بھر پور شرکت کی۔سینئر نائب صدر کی خالی سیٹ پر تمام عہدیداروں نے متفقہ طور پرشاہنواز زہری کو منتخب کیا۔بعد ازاں ایگریکلچر ایمپلائز یونین رانی باغ زون کی نئی کابینہ کا اعلان کیا گیا۔ایگریکلچر ایمپلائز یونین رانی باغ زون کے صدر اعجاز مینگل،سیکرٹری ریاض بلوچ، سینئر نائب صدر ظہور احمد، جونیئر نائب صدر شاہ زمان کھیتران، ڈپٹی جنرل سیکرٹری عباس ہزارہ،فناس سیکرٹری سید تیمور شاہ اور رابطہ سیکرٹری نصیر احمد کاکڑ کو منتخب کیا گیا۔اجلاس میں ڈائر یکٹر جنرل اور سیکرٹری زراعت سے مطالبات کیے گئے کہ سروس رول اور سنارٹی لسٹ جلد جاری کی جائے،فیلڈ اسسٹنٹ کو گریڈ 11 سے 15 میں پروموٹ کیا جائے، تعلیم یافتہ کوٹا چھ پرسنٹ کیا جائے، بڈڈر کی پوسٹوں پر بیلداروں کو گریڈ6 میں پروموٹ کیا جائے۔ایگریکلچر ایمپلائز یونین بلوچستان کے مرکزی صدر غفار جمالی، جنرل سیکرٹری منظور بلوچ اور سینئر نائب صدر شاہنواز زہری سمیت دیگر عہدیداروں نے متفقہ طور پر آل پاکستان لیبر فیڈریشن کے صدر سلطان محمد خان کی قیادت پر مکمل اعتماد کا اظہار کیا گیا۔ایگریکلچر ایمپلائز یونین بلوچستان کے اجلاس میں فیصلہ کیا گیا کہ مطالبات منظور نہ ہونے کی صورت میں احتجاج کا راستہ اختیارکیا جائے گا۔