بلیلی کے مقام پر گاڑیوں کو روک کر چیک کرنے اور ٹائرز و دیگر سامان اتارنے کی مذمت کرتے ہیں،اختر کاکڑ

کوئٹہ(این این آئی)ایوان صنعت و تجارت کوئٹہ بلوچستان کیسنیئر نائب صدر حاجی اختر کاکڑ اور نائب صدر انجینئر میر وائس خان کاکڑ نے کسٹم چیک پوسٹ بلیلی پر ایک بار پھر چیکنگ اور مال بردار گاڑیوں سے ٹائرز کھولے جانے کے جاری سلسلے کو بلوچستان ہائی کورٹ کے حکم کی خلاف ورزی قرار دیتے ہوئے اس عمل کو ناقابل برداشت قرار دیا ہے گزشتہ روز مختلف کاروباری شخصیات اور ٹرانسپورٹرز سے بات چیت کرتے ہوئے ان کا کہنا تھا ک بلوچستان ہائی کورٹ کی جانب سے بلیلی کے مقام پر کسٹمز اور سیکورٹی اداروں کی جانب سے چیکنگ کے خلاف دائر آئینی درخواست میں بلیلی کے مقام پر کسٹمز اور سیکورٹی اداروں کو چیکنگ سے روک کر انہیں چیک پوائنٹ ختم کرنے کا حکم دیا گیا تھا مگر اب ایک بار پھر نا صرف گاڑیوں کو روک کر چیک کیا جا رہا ہے بلکہ مال بردار و دیگر گاڑیوں سے نئے ٹائرز بھی کھولے جا رہے ہیں ایک طرف موٹر وے پولیس مال بردار گاڑیوں و دیگر کو اس بات پر چالان یا پھر تنبیہ کرتی ہے کہ پرانے ٹائرز حادثات کا پیش خیمہ ثابت ہوتے ہیں تو دوسری جانب کسٹمز اہلکار انہی ٹائرز کواسمگلنگ کا نام دے کرانہیں گاڑیوں سے کھول لیتے ہیں جو ناقابل برداشت امر ہے ہم کسٹم حکام کی جانب سے بلیلی کے مقام پر گاڑیوں کو روک کر چیک کرنے اور ٹائرز و دیگر سامان اتارنے کی مذمت کرتے ہیں بلکہ یہ ہائی کورٹ کے احکامات کے کھلم کھلا خلاف ورزی بھی ہے ہم عدالت عالیہ سے بھی اپیل کرتے ہیں کہ وہ اس سلسلے میں کسٹمز حکام سے وضاحت طلب کریں ہم اس طرح کے خود ساختہ اقدامات کو قانونی تجارت کی راہ میں رکاوٹ سمجھتے ہیں اور مطالبہ کرتے ہیں کہ فوری طور پر اس کا سلسلہ روکا جائے بصورت دیگر احتجاج کی راہ اپنائی جائے گی جس کی تمام تر ذمہ داری متعلقہ حکام پر عائد ہو گی۔