اسسٹنٹ کمشنر گوارگو آغا ظفر کی سربراہی میں پنجگور کے دہی علاقہ بالگتر پنجگور میں کھلی کچہری منعقد کی گئی

پنجگور (این این آئی) ڈپٹی کمشنر پنجگور کی ہدایت پر اسسٹنٹ کمشنر گوارگو آغا ظفر کی سربراہی میں پنجگور کے دہی علاقہ بالگتر پنجگور میں کھلی کچہری منعقد کی گئی۔ اس کچہری میں بڑی تعداد میں شہریوں نے شرکت کی، شہریوں کے ساتھ مختلف محکموں کے سربراہان بھی کھلی کچہری میں شریک ہوئے۔کھلی کچہری کے موقعے پر لیفٹیننٹ کرنل عمر اے سی گوارگو آغا ظفر، لیویز مہرر عبدالغفار، ڈسٹرکٹ ایجوکیشن آفیسر سعید اکبر اور دیگر محکموں کے افسران موجود تھے کھلی کچہری میں اہلیاں بالگتر نے اپنے مسائل پیش کیے جن میں تعلیم، صحت اور دیگر شعبوں سے متعلق معاملات شامل تھے سرکاری محکموں سے وابستہ آفیسران نے شہریوں کو یقین دلایا کہ ان کے مسائل کو ترجیحی بنیادوں پر حل کیا جائے گا۔ لیفٹیننٹ کرنل عمر، اے سی گوارگو آغا ظفر نے اپنے تاثرات بیاں کرتے ہوئے بتایا کہ کھلی کچہری کا مقصد عوامی مسائل سننا اور ان کے حل کے لیے عملی اقدامات اٹھانا ہے اس بات کے پیش نظر بالگتر جیسے پسماندہ علاقے میں کھلی کچھری منعقد کیاگیا جس کے عوامی مسائل کے حل کے حوالے سے مثبت نتائج نکلیں گے