بلوچستان انسٹیٹیوٹ آف نیفرو یورالوجی میں بھائی نے اپنے بھائی کو گرد ہ عطیہ کردیا

کوئٹہ (این این آئی)بلوچستان انسٹیٹیوٹ آف نیفرو یورالوجی میں بھائی نے اپنے بھائی کو گرد ہ عطیہ کردیا۔سی ای او پروفیسر ڈاکٹر سید لیاقت آغا کے مطابق بلوچستان انسٹیٹیوٹ آف نیفرو یورالوجی میں گردوں کی پیوندکاری کا سلسلہ جاری ہے گزشتہ روز نوشکی کے رہائشی بڑے بھائی عبدالغفار نے چھوٹے بھائی مقبول احمد کو گردہ عطیہ کیا۔ انہوں نے بتایا کہ لاکھوں روپے کا علاج بینق ٹیم نے اپنی مدد آپ کے تحت ممکن بنایا ہے جبکہ مالی بحران کے باوجود انسانیت کی خدمت کا مشن جاری ہے۔انہوں نے بتایا کہ نیا ریفرل سسٹم نافذ کرنے کا فیصلہ کیا گیا ہے جس سے ہیلتھ کارڈ کے تحت ٹرانسپلانٹ سسٹم پر جلد پیشرفت متوقع ہے۔ انہوں نے مخیر حضرات سے اسپتال کی مالی امداد کی اپیل کی ہے۔