نصیرآباد، زیر تعمیر سڑکوں کے منصوبوں پر تعمیراتی کام تیزی سے جاری ہے، ایکسین مواصلات و تعمیرات نصیرآباد عبدالرحمن

چھتر(این این آئی) ایکسین مواصلات و تعمیرات نصیرآباد عبدالرحمن کاکڑ نے کہا ہے کہ حکومت بلوچستان اور صوبائی وزراء کی خصوصی ہدایات اور فراہم کردہ فنڈز کے باعث ضلع نصیرآباد میں زیر تعمیر سڑکوں کے منصوبوں پر تعمیراتی کام تیزی سے جاری ہے۔ انہوں نے کہا کہ حکومت عوام کو بنیادی سہولتوں کی فراہمی کے لیے عملی اقدامات کر رہی ہے اور سڑکوں کی تعمیر اس سلسلے کی ایک کڑی ہے ایکسین مواصلات نے مزید کہا کہ ان ترقیاتی منصوبوں کی بروقت تکمیل سے عوام کو سفری سہولتیں میسر آئیں گی، روزمرہ سفر میں مشکلات کم ہوں گی اور تجارتی و معاشی سرگرمیوں میں بھی اضافہ ہوگا۔ انہوں نے کہا کہ خوشحال اور پرامن بلوچستان کی بنیاد مضبوط انفراسٹرکچر پر ہے، اور یہی حکومت کی ترجیح ہے علاقے کے عوامی حلقوں نے سڑکوں کی تعمیر پر اطمینان کا اظہار کرتے ہوئے کہا ہے کہ اگر یہ منصوبے وقت پر مکمل ہوگئے تو زرعی اور کاروباری سرگرمیوں میں بہتری آئے گی اور عوام کو طویل عرصے بعد ریلیف ملے گا۔