ضلع کونسل کے ترقیاتی فنڈز کو مؤثر و شفاف طریقے سے استعمال کرتے ہوئے علاقوں میں ریکارڈ ترقیاتی کام کروائے ہیں،میر نیاز احمد کھوسہ

چھتر (این این آئی) یونین کونسل دولت گھاڑی میرحسن کے چیئرمین میر نیاز احمد خان کھوسہ اور یونین کونسل میر نبی خان کھوسہ کے چیئرمین میر صدام حسین خان کھوسہ نے ضلع کونسل کے ترقیاتی فنڈز کو مؤثر اور شفاف طریقے سے استعمال کرتے ہوئے اپنے اپنے علاقوں میں ریکارڈ ترقیاتی کام کروائے ہیں۔ دونوں چیئرمین کی بہترین کارکردگی نے عوامی سطح پر نہ صرف اطمینان پیدا کیا بلکہ انہیں دیگر یونین کونسلز کے لیے بھی ایک مثالی قیادت کے طور پر تسلیم کیا جارہا ہے عوامی مسائل میں نمایاں کمی اور روزمرہ زندگی میں آسانی پیدا ہوئی ہے اس موقع پرچیئرمین میر نیاز احمد خان کھوسہ نے کہا کہ عوامی خدمت ہمارا مقصد ہے۔ ضلع کونسل کے ترقیاتی فنڈز کو ایمانداری اور شفافیت کے ساتھ عوام کی بنیادی ضروریات پر خرچ کیا گیا ہے۔ ہمارا ہدف یہی ہے کہ علاقے کے لوگ بنیادی سہولتوں سے محروم نہ رہیں یونین کونسل میر نبی خان کھوسہ کے چیئرمین میر صدام حسین خان کھوسہ نے کہا کہ ہم نے ہر منصوبے میں معیار اور شفافیت کو ترجیح دی۔ عوام نے ہمیں جس اعتماد کے ساتھ منتخب کیا ہے، ہم نے اس اعتماد پر پورا اترنے کے لیے دن رات محنت کی ہے۔ ترقیاتی فنڈز کا صحیح اور مؤثر استعمال ہی ہماری کامیابی کا راز ہے علاقے کے عوامی حلقوں نے دونوں چیئرمین کی کارکردگی کو سراہتے ہوئے کہا کہ ان کی قیادت میں دولت گھاڑی میرحسن اور میر نبی خان کھوسہ یونین کونسلز نے حقیقی معنوں میں ترقی کی نئی راہیں کھولی ہیں۔ عوامی رائے کے مطابق، دونوں چیئرمین کی خدمات اور محنت سے علاقے میں ترقی اور خوشحالی کا ایک نیا دور شروع ہو گیا ہے