کلچرو زبان قوموں کی پہچان،پشتون قوم کو دل کے گہرائیوں سے مبارکبادپیش کرتا ہوں،نور محمد دمڑ

کوئٹہ (این این آئی)صوبائی وزیر خوراک حاجی نورمحمد خان دمڑ نے کہا کہ کلچراور زبان قوموں کی پہچان ہوتی ہے کلچر ہی کی بنیاد پر کوئی قوم زندگی بسر کرنے کا فیصلہ کرتی ہے بلوچستان صوبہ میں مختلف اقوام آباد ہے یہاں بلوچستان میں مختلف اقوام کے لوگوں کی زبان اور زندگی بسر کرنے کا انداز بھی مختلف ہے ہم حکومتی سطح پر تمام قوموں کی زبانوں کلچر اور مذاہب کا احترام کرتے ہیں اسی طرح قومی سطح پر بھی قوموں کی زبانوں اور کلچر کو احترام دیتے ہیں پشتون قوم محب وطن قوم ہے جس نے ملک کیلئے بہت بڑی قربانیاں دی ہے پشتون کلچر ڈے کے موقع پر تمام پشتون قوم کو دنیا میں جہاں بھی پشتون بستے ہیں ان کومبارکباد پیش کرتا ہوں یہ دن پشتون قوم کیلئے تاریخی اوراہمیت کا حامل ہے ان خیالات کااظہار انہوں نے اپنے بیان میں کیا صوبائی وزیر حاجی نورمحمد خان دمڑ نے کہاکہ تاریخ میں پشتو کلچر،زبان اورقوم نے تہذیب یافتہ دنیاکیلئے بڑے بڑے کارنامے سرانجام دیئے۔انہوں نے کہا کہ پشتون سرزمین اور کلچرمیں پشتون کی یہ روایات رہی ہیں کہ کسی سیرنگ،نسل،زبان اور مذہب کی بنیاد پر نفرت نہیں کی جاتی ہے حضرت عیسیٰ علیہ السلام کے زمانے سے قبل دنیا کے بہت بڑے فاتح سکندر اعظم یونانی اور دیگر مورخین نے پشتونوں کی شجاعت بہادری اور اچھی خاصیتوں کا ذکر کیا ہے پشتون بہادر، مہمان نواز محب وطن قوم ہے جس نے ہر مشکل گھڑی میں اپنے ملک کی دفاع کیلئے بہت بڑی قربانیاں دی ہے اور اپنے افواج پاکستان کے شانہ بشانہ کھڑی رہی ہے جس پر ہمیں فخر ہے انہوں نے کہاکہ صوبہ بلوچستان اور مسلم لیگ ن تمام اقوام پر مشتمل ایک گلدستہ ہے جس میں تمام اقوام اور ہر مذہب و نسل کے لوگ شامل ہے انہوں نے کہاکہ اپنی قومی ثقافت کو زندہ رکھنا ہی زندہ قوم کی پہچان ہے۔