مستونگ،نامعلوم افراد نے ریلوے ٹریک کو دھماکے سے اڑادیا

کوئٹہ(این این آئی) مستونگ کے علاقے میں نامعلوم افراد نے ریلوے ٹریک کو دھماکے سے اڑادیا۔ ریلوے حکام کے مطابق منگل کو مستونگ کے علاقے دشت میں نامعلوم افراد نے ریلوے ٹریک کے ساتھ دھماکہ خیز مواد نصب کر رکھا تھا جوزوردار دھماکے سے پھٹ گیا جس سے ریلوے لائن کو نقصان پہنچا تاہم کوئی جانی نقصان نہیں ہوا۔ریلوے کے عملے نے موقع پر پہنچ کر متاثرہ ریلوے ٹریک کی مرمت کا کام شروع کردیا۔ مقامی انتظامیہ مزید کارروائی کر رہی ہے۔ ریلوے ٹریک پر دھماکے کے بعد کوئٹہ سے پشاور جانے والی جعفرایکسپریس کو کوئٹہ ریلوے اسٹیشن پرہی روک دیا گیا جسے 5گھنٹے کی تاریخ سے پشاور کیلئے روانہ کیا گیا۔