وفاقی محتسب کے حکم پر درخواست گزار جلال دین کو پاکستان بیت المال سے 20,000 کا امدادی چیک دلوا دیا

کوئٹہ(این این آئی) وفاقی محتسب کے حکم پر درخواست گزار جلال دین کو پاکستان بیت المال سے 20,000 کا امدادی چیک دلوا دیا گیا۔درخواست گزار جلال دین نے بتایا کہ پاکستان بیت المال میں کئی بار درخواست جمع کروانے کے باوجود ان کی نہ تو کوئی امداد ہوئی اور نہ ہی کوئی شنوائی۔لہٰذا انہوں نے وفاقی محتسب کوئٹہ سے رجوع کیا اور متعلقہ محکمے کی عدم توجہی اور تاخیر کے خلاف درخواست دائر کی۔درخواست موصول ہوتے ہی وفاقی محتسب کوئٹہ نے انکوائری کا آغاز کیا اور متعلقہ محکمے کو طلب کر کے کیس کی فوری سماعت شروع کی۔متعلقہ محکمہ کوئی تسلی بخش جواب نہ دے سکا۔لہذا وفاقی محتسب نے احکامات جاری کیے کہ درخواست گزار کو امدادی چیک فوری طور پر دیا جائے۔احکامات موصول ہوتے ہی متعلقہ محکمے نے درخواست گزار کو 20?000 روپے کا امدادی چیک دے دیا۔اس بروقت اور منصفانہ فیصلے پر درخواست گزار نے وفاقی محتسب کا شکریہ ادا کیا۔