پنجگور،نامعلوم افراددو ٹیوب ویلز کے لاکھوں روپے ملایت کے سولرپلیٹ چوری کرکے فرار

پنجگور(این این آئی) پنجگور زمینداروں سے چوری کی وارداتیں عروج پر گزشتہ شب کلگ میں دو مقامی زمینداروں کے ٹیوب ویلز پر چوروں نے لاکھوں روپے مالیت کے سولر پلیٹ چوری کرکے لے گئے مقامی زمینداروں کے مطابق چوروں کی دلیرانہ وارداتوں سے پنجگور کے زمیندار بھی اب عاجز آچکے ہیں رات بھر زمینوں پر پہرا دیں یا ان کو غیر آباد چھوڑیں تیسرا آپشن بچا نہیں ہے زمینوں کو غیر آباد چھوڑنے سے بچے بھوک سے مرجائیں گے کجھور کی فصلات بھی ڈکیتوں کے شکنجے میں ہے منشیات کے عادی افراد بھی کجھورکی فصلوں پر یلغار ہوچکے ہیں کوئی پرسان حال نہیں ہے پولیس لیویز نے بھی عوام کے تحفظ سے منہ موڑ لیا ہے تفصیلات کے مطابق پنجگور کے زمینداروں نے چوری کی وارداتوں پر شدید تشویش کا اظہار کرتے ہوئے حکومت سے املاک کے تحفظ کا مطالبہ کیا ہے گزشتہ شب کلگ میں دو مقامی زمینداروں کے ٹیوب ویلز پر چوروں نے لاکھوں روپے مالیت کے سولرپلیٹ چوری کرکے لے گئے اس سے قبل گرمکان میں کجھور کے باغات کا بھی صفایا کیاگیا تھا زمینداروں سے چوری کی وارداتوں نے محنت کش طبقہ کو شدید مالی وزہنی پریشانیوں کا شکار بنادیا ہے ہر کوئی خود کو غیر محفوظ تصور کرنے لگا ہے پنجگور میں اگر کوئی خوف اور ڈر ہے وہ رہزنوں اور چوروں کا ہے پولیس اور لیویز کا گشت اور ناکہ بندیاں کئیں بھی نظر نہیں آتے جس سے عوام خود کو غیر محفوظ سمجھنے لگا ہے پنجگور کے زمینداروں نے ضلعی انتظامیہ اور پولیس سے مطالبہ کیا کہ وہ چوری کی وارداتوں پر قابو پانے اور زمینداروں کے ٹیوب ویلز پر چوری کی وارداتوں میں ملوث عناصر کو گرفتار کریں ایسا نہ ہو کہ آباد زمینین جن پر کاشتکاروں نے اپنی پوری توانائیاں ضائع کی ہیں غیر آباد چھوڑ نکل مکانی پر مجبور ہوجائیں۔