ڈیرہ مراد جمالی (این این آئی) بلوچستان کے ضلع ڈیرہ بگٹی میں کالعدم تنظیم کا کمانڈر اپنے دیگر تین ساتھیوں کے ساتھ مسلح تصادم میں ہلاک ہوگیا۔لیویز کے مطابق بلوچستان کے ضلع ڈیرہ بگٹی کے علاقے سوئی لنجو صفاری میں رات گئے چاکرانی قبائل اور مبینہ طورپر کالعدم تنظیم کے کمانڈر اور انکے دیگر ساتھیوں کے درمیان شدید فائرنگ کا تبادلہ ہوا جوکئی گھنٹوں تک جاری رہا۔فائرنگ کے نتیجے میں کمانڈر وشو ہوتکانی بگٹی اپنے دیگر ساتھیوں قادو بگٹی مشغول پیروزانی بگٹی کے ساتھ ہلاک ہوگیا جبکہ واقع میں چاکرانی قبیلے کے وڈیرے درانی خان کا بھتیجاحامد بگٹی شدید زخمی ہوگیا۔ سرکاری ذرائع کا بتاناہے کہ کالعدم تنظیم کے کمانڈر اور انکے ساتھیوں کو ہلاک کرنے کی انتظامیہ نے بھی چاکرانی قبائل کو سپورٹ فراہم کی لیویز فورس اور سیکورٹی فورسز نے جائے وقوعہ پر پہنچ کرلاشوں کو تحویل میں لیکر سوی کے انڈس ہسپتال منتقل کردیا۔لیویز کے مطابق ہلاک شدگان اغواء دہشتگردی بھتہ خوری سمیت دیگر سنگین وارداتوں میں مطلوب تھے۔
ڈیرہ بگٹی، کالعدم تنظیم کا کمانڈر اپنے دیگر تین ساتھیوں کے ساتھ مسلح تصادم میں ہلاک
