بلوچستان عوامی پارٹی کے انٹرا پارٹی انتخابات مکمل

کوئٹہ(این این آئی) بلوچستان عوامی پارٹی کے انٹرا پارٹی انتخابات مکمل، نوابزادہ خالد مگسی مسلسل دوسری باربلامقابلہ صدر، منظور احمد کاکڑ چوتھی باربلامقابلہ سیکرٹری جنرل منتخب سردار محمد صالح بھوتانی صوبائی صدر مقررہوگئے۔ ہفتہ کو بلوچستان بوائز اسکاؤٹس کوئٹہ میں بی اے پی کا مرکزی کونسل سیشن منعقد کیاگیا جس میں کہدہ بابر کی سربراہی میں نوابزادہ یحیحیٰ جوگیزئی، روز اے جان پر مشتمل الیکشن کمیشن نے انٹراپارٹی انتخابات کا اعلان کیا۔ انتخابات میں پارٹی کے مرکزی صدر کے عہدے کے لیے تین جبکہ سیکرٹری جنرل کے عہدے کے لیے پانچ امیدواروں کے کاغذات نامزدگی جمع کروائے جس کے بعد صدر کے لیے نوابزادہ خالد مگسی اور سیکرٹری جنرل کے لیے سینیٹر منظور کاکڑ کے علاوہ دیگر امیدواروں نے اپنے کاغذات نامزدگی واپس لے لیے جس کے بعد رکن قومی اسمبلی نوابزادہ خالد مگسی بلامقابلہ دوسری بار بلوچستان عوامی پارٹی کے صدر جبکہ سینیٹر منظور کاکڑ چوتھی بار بلامقابلہ سیکرٹری جنرل منتخب ہوگئے۔ بعدازاں بی اے پی کے رہنما رکن صوبائی اسمبلی میر صادق سنجرانی نے پارٹی کے مرکزی اور صوبائی عہدیداروں کا اعلان کرتے ہوئے کہا کہ بی اے پی کے مرکزی صدر نوابزادہ خالد مگسی کی مشاورت سے کہدہ بابر، سینیٹر عبدالقادر،نور خان ترین، نصیب اللہ بازئی مرکزی سینئر نائب صدور،پرنس آغا عمر احمدزئی مرکزی نائب صدر، میرضیا لانگو مرکزی سیکرٹری اطلاعات، سینیٹر دنیش کمار مرکزی اقلیتی ونگ کے صدر، سردارمحمد صالح بھوتانی صوبائی صدر بلوچستان، حاجی مٹھا خان کاکڑ صوبائی جنرل سیکرٹری بلوچستان، سینیٹر فدا احمد خان صوبائی صدر خیبرپختونخوا، راجہ رمیش لعل مگسی مرکزی سیکرٹری جنرل اقلیتی ونگ، اعجاز سنجرانی صوبائی سینئر نائب صدر، نصر الدین، سردار سخی جان صوبائی نائب صدر، اکبر آسکانی، یحییٰ جوگیزئی نائب صدور، روز اے جان اقلیتی ونگ کے صوبائی صدر، زبیدہ جلال خواتین ونگ کی مرکزی صدر،روبینہ عرفان مرکزی جنرل سیکرٹری خواتین ونگ، فرح عظیم شاہ خواتین ونگ کی صوبائی صدر، لیلہ ترین صوبائی جنرل سیکرٹری خواتین ونگ،احسان اللہ خاکسار کوئٹہ سٹی کے صدر، روبینہ شاہ، ملائکہ سمالانی، رئیسہ گچکی نائب صدر خواتین ونگ مقرر کردیے گئے ہیں۔