کوئٹہ(این این آئی) بلوچستان عوامی پارٹی کے مرکزی کونسل سیشن میں سابق صوبائی وزیرسردار محمد صالح بھوتانی اور بی اے پی کے بانی سینیٹر سعید احمد ہاشمی شریک نہیں ہوئے۔ تفصیلات کے مطابق ہفتہ کو بی اے پی کے مرکزی کونسل سیشن میں سابق صوبائی وزیر اور بی اے پی کے نومنتخب صوبائی صدر سردار محمد صالح بھوتانی شریک نہیں ہوئے۔ان کی عدم شرکت سے متعلق صادق سنجرانی نے اسٹیج پر وضاحت کرتے ہوئے کہا کہ سردار محمد صالح بھوتانی نے طبعیت کی ناسازی کی بناء پر عدم شرکت سے متعلق پارٹی قیادت کو آگاہ کردیا تھا۔ دوسری جانب بی اے پی کے بانی سینیٹر سعید احمد ہاشمی بھی مرکزی کونسل سیشن میں موجود نہیں تھے۔
بلوچستان عوامی پارٹی کے مرکزی کونسل سیشن میں سردار محمد صالح بھوتانی اور سینیٹر سعید احمد ہاشمی شریک نہیں ہوئے
