بھارتی پراکسی وار اور افغان جارحیت کے تناظر میں قومی یکجہتی وقت کی اہم ضرورت — میری پہچان پاکستان

کراچی (ایم پی پی میڈیا سیل /) مرکزی کمیٹی میری پہچان پاکستان (ایم پی پی) نے کہا ہے کہ ملک اسوقت جس صورتحال سے گزر رہا ہے اس میں انتہا پسندی اور احتجاج کی سیاست کے بجائے ملک پر بھارتی پراکسی وار اور افغانستان طالبان اور حکومت کی جارحیت کے بعد قومی یکجہتی اولین ترجیح ہونی چاہئے۔ ایسا محسوس ہوتا ہے کہ سازشی عناصر ملک کی ترقی کو روکنے کے لئے سرگرم عمل ہیں۔ صوبوں کو نیشنل ایکشن پلان کے مطابق دہشت گردی اور ملک دشمن عناصر کے خلاف اپنی افواج کا ہر اول دستہ بننا چاہئے۔ وفاقی اور صوبائی حکومتیں بھی اپیکس کمیٹیوں کے اجلاس بلائیں۔ ڈاکٹر عشرت العباد خان نے ملکی سلامتی اور قومی یکجہتی کا جو فکرو و فلسفہ میری پہچان پاکستان کی شکل میں دیا ہے ہمیں وطن پرستی کو اولیت دینا چاہئے۔ پاکستان ہر جارحیت کا بھرپور مقابلہ کر رہا ہے۔ جبکہ بھارت اور افغانستان کی فالس پروپیگنڈہ مہم بری طرح ناکام ہوگی۔ بھارت افغانستان کے پیچھے چھپ کر جنگی ماحول بناکر منہ کی کھا رہا ہے۔ آرٹیفشل انٹیلیجنس Artificial Intelligence کے زریعے ڈرامے بازی اور ملک میں موجود انکے سہولت کار بری طرح ناکام ہوں گے۔