جنگ بندی اسرائیل کی جاری جارحیت قابل مذمت ہے، مولانا عبد الماجد

کراچی(این این آئی)پاکستان امن کونسل سندھ، مرکزی علما کونسل پاکستان صوبہ سندھ کے صوبائی صدر، مہتمم مدرسہ تعلیم القرآن، خطیب و امام جامع مسجد الخلیل بھٹائی آباد گلستان جوہر مولانا عبد الماجد فاروقی نے کہا ہے کہ جنگ بندی کے باوجود غزہ میں نام نہاد اسرائیل کی صیہونی فوج کی جانب سے جاری جارحیت کے نتیجے میں ایک ہی خاندان کے نہتے 11افراد کی شہادت قابل مذمت ہے اسرائیل نے امن معاہدے کی دھجیاں اڑا کر عالمی برادری کے منہ پر طمانچہ مارا ہے ان خیالات کا اظہار مولانا عبد الماجد فاروقی نے مدرسہ تعلیم القرآن کے لائبریری ہال میں مولانا محمد عکاشہ قاری محمد ندیم المکی کے ہمراہ مذہبی رہنماں کے وفد سے گفتگو کرتے ہوئے کیا وفد کی قیادت ڈاکٹر مفتی عبدالغفور اشرفی کررہے تھے مولانا عبد الماجد فاروقی نے کہا کہ اسرائیل کی صیہونی فوج کی جاری جارحیت دنیا میں پائیدار امن کی کوششوں کے لیے سنگین خطرہ ہے انہوں نے کہا کہ دنیا میں پائیدار امں کے لیے صیہونی اسرائیل کے ناجائز وجود کا خاتمہ انتہائی ناگزیر ہے ان کا یہ بھی کہنا تھا کہ فلسطین کے مسئلے کا منصفانہ واحد حل ایک ریاستی حل ہے اس کے سوا دوسرا کوئی حل نہیں ہے اور جو بھی مسئلہ فلسطین کے دو ریاستی حل کی بات کرتا ہے وہ عالمی امن کا دشمن ہے۔