سندھ حکومت کے زیرِ اہتمام تین روزہ سندھ یوتھ سائنس اینڈ ٹیکنالوجی فیسٹول دوسرے روز بھی بھرپور انداز میں جاری رہا

کراچی (این این آئی)سندھ حکومت کے زیرِ اہتمام تین روزہ سندھ یوتھ سائنس اینڈ ٹیکنالوجی فیسٹول دوسرے روز بھی بھرپور انداز میں جاری رہا۔یوتھ سائنس فیسٹول میں کراچی کے طلبہ بھن بھائی نے ایک ایسا اے آئی روبوٹ تیار کیا ہے جو اردو اور انگلش میں سوالات کے جواب دینے کی صلاحیت رکھتا ہے۔طلبہ کا کہنا ہے کہ اس روبوٹ کو سافٹ ویئر اور ہارڈ ویئر کی مدد سے تیار کرنے میں تقریبا سات سے آٹھ ماہ لگے۔نوجوانوں نے کہا کہ ہم سندھ اسپورٹس اور یوتھ افیئرز ڈپارٹمینٹ کے شکر گزار ہیں، جنہوں نے پہلی بار سرکاری سطح پر یہ سائنسی فیسٹول منعقد کیا اور ہمیں بھرپور انداز میں پروموٹ کررہے ہیں۔ یہ ہمارے لیے آگے بڑھنے کا بہترین موقع ہے۔سائنسی فیسٹول میں 40 سے زائد سرکاری و نجی جامعات کے 70 سے زائد طلبہ نے اسٹالز لگائے ہیں، یہ فیسٹول سندھ یوتھ کلب گلستان جوہر میں کل اتوار تک جاری رہیگا۔